Бүгін әріптесіміз, мектебіміздің ұлағатты ұстазы  Базаркулова Марика Мажидқызын мерейлі 50 жасқа толып отыр.  Сізді 50 жастың асқарына шығып, өміріңіздің жаңа белесіне аяқ басуыңызбен  шын жүректен құттықтаймыз! Бұл жас – өміріңіздің ең асыл шақтарының бірі. Өткен жылдарыңыз қуаныш пен жетістіктерге толы болса, алдағы жылдарыңыз одан да бақытты, берекелі болсын! Отбасыңызға амандық, деніңізге саулық, жүрегіңізге тыныштық тілейміз. Әрдайым күлімдеп, жақындарыңыздың қуанышына бөлене беріңіз! 

№4 педагогикалық кеңес.  31.03.2025 жыл. Күн тәртібінде қаралған мәселелер: 1.  ІІІ тоқсан оқушылардың үлгерімі мен білім сапасы 2-11 сыныптар. Жауаптылар: ДОІЖО  Рустемова Ж.Н., Исатаева А.С.  2. Күнделік кз. журналының толтырылуы, оқу бағдарлмасының орындалуы, тоқсандық қорытынды бағаның дұрыс шығуы, электронды журналдың жүргізілуін бақылау. Жауаптылар:  ДБОЖО Бердібай Ф.Ө., Рустемова Ж.Н.  3. ⁠ Оқушылардың ғылымға, ізденуге зерттеу іс-әрекеттеріне баулу жолдары. Жауапты: ДОІЖО Қойшығұлұлы

Көктемгі демалыс кезінде 9 «Б» сынып оқушылары « Менің атым-Қожа  2» (Жаңа саяхат) киносын тамашалады. Фильмнің көрерменге берер тәлімі зор. Туынды идеясынан ауытқымай, жазушының айтарын кейіпкерлер арқылы шебер жеткізген қойылым оқушыларға ерекше әсер етті. Оқушылар демалысын тиімді өткізіп қана қоймай, танымдық ой- өрістерінің дамуына  тікелей ықпал еткен Отандық киномызды жоғары бағалады.

Оқушылардың көктемгі демалыс кезіндегі бос уақытын тиімді ұйымдастыру мақсатында  5  “Ә”, “Б” сынып оқушылары сынып жетекшілері Базаркулова М.М. мен Г.А. Ибраеваның ұйымдастыруымен отандық туынды “Қожа: жаңа саяхат” кинофильмін тамашалауға барды.Бұл күнгі шараның мақсаты оқушылардың бойына қоғамдық ортада өздерін ұстау дағдыларын қалыптастыру,ой -өрістерін дамыту болып табылады.

“Біртұтас тәрбие” бағдарламасы аясында ұйымдастырылған көктемгі демалыс уақытында мектебіміздің оқушылары түрлі мәдени ошақтарға саяхат жасауда. 5 “А”, 6 “Ә” сынып оқушылары балалық шақтың естелігін жаңғыртқан “ Қожа: Жаңа саяхат” туындысын тамашалады. Бұл қазақ киносында культке айналған «Менің атым – Қожа» фильмінің жаңаша интерпретациясы. Оқушылардың көңілінен шықты, өз әсерлерімен бөлісіп, ризашылықтарын білдірді.

Мектебіміздің жас талантты 1 “А” сынып  оқушысы Майдан Ақтамберді Ташкент қаласынан жүлдемен оралды. Халықаралық “Music fest” байқауына квартетпен қатысты. Гран при жеңімпазы атанған оқушымызды шын жүректен құттықтаймыз.

19.03.2025 ж. күні Әлеуметтік жағынан қолдау көрсету мақсатында ай сайын ұйымдастырылып кележатқан “Мектепке жол” акциясы жалғасын тапты. Акция аясында наурыз айының жоспарына сәйкес 2 отбасыға көмек көрсетті.  Акцияны ұйымдастырушы әлеуметтік педагог Жәлел Айымжан Талғатқызы және тәрбие бөлімі.

18-наурыз “Ұлттық киім күні” Осы мерекеге орайда мектебімізде “Ұлттық киім” күні аталып өтті. Іс-шараның мақсаты — қазақтың ұлттық киім үлгілерін көпшілікке насихаттау арқылы қазақтың киім кию үлгісін заманауи жаңғырту.