“Біртұтас тәрбие” бағдарламасы негізінде жоспарға сәйкес қарашаның 15-і күні мектебімізде 5-11 сынып аралығында ата-аналар жиналысы өтті. “Баланың оқуға ынтасын қалай арттыруға болады?” өзекті тақырып аясында өзара пікір алмасты. Сынып ортасына SWOT талдау жасалып, жиналыста талқыланды. “Үштік жоба” жұмысын жандандыру қолға алынды.

Күз-жайлылықты және жылуды сәнге айналдыратын кез, табиғаттың соңғы сыйы, жанға жылу беріп, жүректі сырласуға шақыратын ерекше мезгіл. Күздің әсем сәттерін бағалап, әр күннің әдемілігін "AUTUMN LOOK" байқауында 10 "А" сыныбымен сезінейік!

“Біртұтас тәрбие” бағдарламасы аясында әр аптаның жұма күні “Ұлттық киім кию күні” болады. Ұлттық киім – халқымыздың мәдениеті мен тарихын көрсететін ерекше мұра. Ұлттық киім тек сән емес, ол – тарихымыздың, ұлттық ерекшелігіміздің белгісі. Сондықтан біз ұлттық киімімізді құрметтеп, оны дәріптеуіміз керек деп санаймыз.

“Ұлттық киім- ұрпаққа мұра” челленджі. Ұлтымыздың құндылықтарын бірге дәріптеп, ұлттық қазынамыздың қадіріне жете білейік! Ұлттық нақышта киініп жүру, оны заманауи сән үлгісіне айналдыру, ата-баба ғұрпын дәріптеу өз қолымызда!

15.11.2024ж. 5-сынып оқушыларына мектеп психологы “Алақай, мен 5-сыныпта оқимын!” тақырыбында тренинг өткізді. Мақсаты: 5-сынып оқушыларының орта буынға бейімделуі және оқуға деген ынталарын арттыру.  Оқушылар тренингке белсене қатысты.

Бүгінгі таңда Қазақстанда негізгі бағдарламалардың бірі – «Таза Қазақстан» екенін бәрімізге мәлім.  Мектеп оқушыларын, ата-аналарды  қақпақтарды жинап, қайта өңдеуге тапсыруға белсенді болуға шақырамыз.  Ең белсенді мектептер,  белсенділер тобы ретінде ЭКОХАБ-ке экскурсияға барып, қалпақтарын қайта өңдеуге мүмкіндік алатындығын хабарлаймыз. Қайта өңделген пластиктен пайдалы заттар жасауға үлесімізді қосайық!

15.11.2024ж. күні мектеп психологы 9 “Ә” сынып оқушыларына “Буллинг. Кибербуллинг” тақырыбында тренинг өткізді. Тренингтің мақсаты: оқушыларға буллинг, кибербуллинг туралы түсінік бере отырып, онымен күресуге көмектесу. Тренингте “Буллинг, кибербуллинг деген не? Оның түрлері, буллингті анықтау және ондағы белгілер, буллингке қалай күресуге болатыны туралы айтылды. Оқушылар 3 топқа бөлінді. Топ бойынша кейстер талқыланды. Оқушылар тренингке белсене қатысты.    

15.11.2024ж. күні “Ата-аналарды педагогикалық қолдау” бағдарламасын жүзеге асыру мақсатында 10,11 сыныптардың ата-аналарына ЗУМ платформасы арқылы “Өмір бойы оқу: не үшін? Қалай?” тақырыбында жиналыс өткізілді. Жиналыс барысында жасөспірімнің өзін-өзі тану мен өзін-өзі дамытуды қалыптастыру, жетістікке жету үшін алдарына мақсат қойып, сол мақсатқа жету жолдары қарастырылып, кеңестер берілді.

15.11.2024ж. күні “Ата-аналарды педагогикалық қолдау” бағдарламасын жүзеге асыру мақсатында 5-9 сыныптардың ата-аналарына ЗУМ платформасы арқылы “Есте сақтауды дамыту” тақырыбында жиналыс өткізілді. Жиналыста есте сақтауды дамыту мақсатында видеороликтер көрсетіліп, кеңестер берілді.

“Мемлекеттік тіл - менің тілім” іс-шарасы бойынша “Оқуға құштар” жобасының үздік  оқырмандары мектебіміздің 7 “А” сынып оқушылары Сәрсемқан Арайлым мен Дәулетбай Жібектің Ғ.Мүсіреповтың “Ұлпан” романына жасаған жарнама лифлеті