12-14 жас аралығындағы балалар мен жасөспірімдер арасындағы таэквондодан Алматы қаласының ашық турнирінде 6 "А" сынып оқушысы Төлегенов Дамир ІІ-орынды жеңіп алды! Жеңісің құтты болсын Дамир! Спорт саласында биік шыңдарды бағындырады деп сенеміз! 

Республикалық балалар және жасөспірімдер "Ғұмырдария - 2019" байқауында мәнерлеп оқу сайысынан мектебіміздің 4 "А" сынып оқушысы Бақтыгереева Гүлнар ІІ-орынды жеңіп алды. "Ұстазы таланттының-шәкірті талапты" демекші, сынып жетекшісі Рустемова Жанар Нугмаровнаны шәкіртінің жеңісімен құттықтап, толағай табыстар тілей отырып, Гүлнарға "Талабыңа нұр жаусын, шығар шыңың әрқашан биік болсын!" демекпіз! 

Алматы қаласы оқушылар сарайы Қалалық дарынды балалар мен жасөспірімдер арасындағы "Ғасырлар үні" атты ән-би байқауында көркемсөз номинациясы бойынша №33 мектеп-лицей 4 "А" сынып оқушысы Бақтыгереева Гүлнар бас жүлдені жеңіп алды! Гүлнарды жетістігімен шын жүректен құттықтаймыз! Бағындырар биіктерің шығар шыңдарың биік болсын! 

Қазақстандағы Жастар жылына орай Қырғызстандағы "Креатив" білім беру комплексі ұйымдастырған "Асыл-тастан, ақыл-жастан" атты мектеп оқушылары мен студенттерге арналған халықаралық шыңғармашылық байқауында "Мәнерлеп оқу" номинациясы бойынша 11 "А" сынып оқушысы Сабитова Амина І-орынға ие болды! Аминаны жүлдесімен шын жүректен құттықтаймыз! 

Қазақстандағы Жастар жылына орай Қырғызстандағы "Креатив" білім беру комплексі ұйымдастырған "Асыл-тастан, ақыл-жастан" атты мектеп оқушылары мен студенттерге арналған халықаралық шығармашылық байқауында 4 "А" сынып оқушысы Ербулат Асия І-орынға ие болды! "Сурет өнері" номинациясы бойынша 4 "А" сынып оқушылары Мақсатұлы Мансұр мен Дәулетбай Меңдіғали І-орын иегерлері атанды! Шәкірттерімізді жетістіктерімен шын жүректен құттықтаймыз! Шығармашылық жетістіктер мен үлкен жеңіс тілейміз! 

"Самрұқ" Халықаралық балалар мен жасөспірімдер арасындағы өнер байқауында "Вокал" жанры бойынша мектебіміздің 2 "Б" сынып оқушысы Майдан Аймауыт І-орынды жеңіп алды! Кішкентай өнерпазымызды үлкен жетістігімен құттықтаймыз! Алда биік шыңдарды бағындырып шығармашылық жолында үлкен табыстарға жетеді деген сенімдеміз! 

5 "А" сынып оқушысы Ғалымжанұлы Айдар Жаңа жылдық "Премия Muz kz" конкурсына қатысып гран при марапатына ие болды және Чехияда өтетін Халықаралық "Пражские шедевры" конкурсына жолдама алды! Айдарды жеңісімен шын жүректен құттықтаймыз! Чехияның қақ төрінен қазақтың киелі қара домбырасының үнін шарықтатып қазақ балаларының өнерлі де дарынды екендігін дәлелдеп, үлкен жеңіспен оралатынына сенімдіміз! Өнерпазымызға шығармашылық табыс тілей отырып өнер жолында сәттілік тілейміз! 

Бішкек қаласында өткен Халықаралық таэквандодан мектебіміздің 3 "Ә" сынып оқушысы Мақсатұлы Алинұр ІІ - орынды жеңіп алды! Кішкентай Алинұрды еңбекқорлық, қайсарлық пен шеберліктің арқасында жеткен жетістігімен шын жүректен құттықтаймыз! Алдағы уақытта тағы да әлемдік жарыстарда топ жарып еліміздің абыройон асқақтатады деп сенеміз! 

33 мектеп-лицей 5 "А" сынып оқушысы Қуатбаева Альжан Қыздар арасыфндағы қалалық дзюдодан ашық турнирде ІІ-орынға ие болды. Жеңімпазымызды жетістігімен шын жүректен құттықтаймыз! Алдағы уақыттарда еліміздің абыройын асқақтатып үлкен жетістіктерге жетеді деп сенеміз! 

Қараша айында "Нұр отан" партиясы Медеу аудандық филиалының "Менің Тұңғыш Президентім" тақырыбындағы эсселер байқауына қатысып, бақ сынаған мектебіміздің 11 сынып оқушысы Абаева Айгерім жүлделі ІІ орынға ие болды. Білімді шәкіртімізді және мектебіміздің үлгілі ұстазы Турарова Гульнара Кунапьяновнаны бүгінгі жетістіктерімен шын жүректен құттықтаймыз!