3 "А" сынып оқушылары “Бұрымды қыз“ челленджін қолдайды! 💐💐 Қазақ қыздарына тән мінез құлықты дәріптеп,шаш күтімі мен эстетикалық тәрбие жайлы жұмыс жүргізуде 3 “А” сынып қыздары да өз үлестерін қосуда. 3 "А" сынып ата-анасы  Сейлханова Назира Рахимжановна шаш күтімі жайлы айтып, ырым-тиымдар туралы мағұлматтар берді.

“Біртұтас тәрбие” бағдарламасы аясында сынып сағаты шеңберінде “Қауіпсіздік сабағы” өтіледі. 11.11.24 ж күні 6 -сыныптарда «Жасанды интеллект, оған сөзсіз сену керек пе?» тақырыбында қауіпсіздік сабағы өткізілді. Мақсаты:оқушыларға жасанды интелекттің озық инновациялық технологияларын таныстыру және оның кері әсерлерін талдау. Өзінің жеке зерттеуінің негізінде ЖИ қолданудағы артықшылықтар мен кемшіліктерін бағалайды.  

15 қараша Қазақстандағы Ұлттық валюта күніне орай “Ұлттық валюта - теңге” тақырыбында мектебімізде сынып сағаты өтілді. Мақсаты: Қазақстанның ұлттық ақшасына көшу тарихы, оның маңызын түсіндіру. Оқушылардың Қазақстанның тәуелсіз мемлекет ретінде қол жеткізген жетістіктеріне мақтаныш сезімдерін ояту.

“Біртұтас тәрбие” бағдарлама аясында  “Менің Қазақстаным” оқу аптасының басында бірінші сабақта міндетті түрде білім алушылар ҚР Әнұранын орындайды.           

“Біртұтас тәрбие” бағдарламасы аясындағы апта сайын жүргізілетін “Бұрымды қыз” челенджі. Қыз бұрымы қашан да сұлулықтың символы мен әсемдік белгісі ретінде сипатталып келген. Мектебіміздің 10 а сынып  бұрымды қыздары челленджге өз үлестерін қосуда.

1-4 сыныптарда «Оян, ар мен адалдық!» тақырыбында, 5-8 сыныптарда  «Адал азамат – Адал еңбек – Адал табыс» тақырыбында, 9-11 сыныптарда  «Адал азамат – Адал еңбек – Адал табыс» тақырыбына сынып сағаты өтілді. Оқушыларға адалдық, еңбекқорлық және табысқа жету жолындағы жауапкершілік туралы түсінік беру. Адал жолмен еңбек етіп, табысқа жетудің маңыздылығын ұғындыру, еңбекке деген дұрыс көзқарас қалыптастыру мақсаты көзделді.

Театр — өнердің ерекше түрі. Театр сахнасы әрдайым қиял мен шығармашылықтың орталығы болып табылады. Қойылымдардың ерекше сценографиясы, әсем костюмдері және сахналық шешімдері көрермендердің қиялын оятып, олардың шығармашылық қабілеттерін арттыруға ықпал етеді. Осы орайда мектебіміздің 11 «Ә» сынып оқушылары өз күзгі демалысының бір күнін Ғабит Мүсірепов атындағы театрда қызық өткізіп қана қоймай, рухани әсер алып қайтты. Тәлімі мол осынау кеш достық маңызын да анық ұқтырғандай.