Алғыс айту күні-қысылтаяң шақта бар ауыртпашылықты бірге көтеріп, мемлекет басшысының жетекшілігімен Тәуелсіз Қазақстан құру жолында аянбай тер төккен ел азаматтарының бір-біріне құрмет көрсету күні. Алғыс айту қазақстандық патриотизмнің, бірлік пен достықтың жарқын мерекесі. Қазақстан халқы Ассамблеясының құрылған күнін, яғни 1 наурызды Алғыс айту күні етіп жариялады. Осы атаулы күнге орай мектебіміздің 5 "Ә" сынып оқушылары "Менің шұғылалы әлемім" тақырыбында концерт өткізді! Мұғалімдеріміз

"Ғаламтордың пайдасы мен зияны" тақырыбында 4-сыныптар арасында сыныптан тыс квест-сайыс өткізілді. Мақсаты: Балалардың бойында ғаламтор желісі туралы дұрыс көзқарас қалыптастыру. Ғаламтор желісін пайдалы әрекеттерге пайдалануға баулу, ғаламтордың пайдалы және зиянды жақтарын ажырата білуге үйрету!

21.02.2020ж. күні мектебіміздің 8 "Ә" және 8 "Б" сынып оқушылары С.Бегалин атындағы қалалық балалар кітапханасында сағат 14:00-де "Алтын Орданың құрылғанына 750 жыл" тақырыбы аясында өткізілген тарихи кешке қатысты. Оқушыларымыз тарихи кеште сұрақтар қойып, өздеріне маңызды ақпарат алып, белсене ат салысты! 

Алматы қаласы Білім басқармасы қалалық білім берудегі жаңа технологиялардың ғылыми-әдістемелік орталығының ұйымдастырыумен өткен Мұқағали Мақатаев өлеңдерін оқу сайысынан мектебіміздің 2 "Б" сынып оқушысы Майдан Аймауыт жүлделі ІІ-орынды жеңіп алды! Жетекшісі мектебіміздің тәжірибелі ұстазы Қордабаева Анар апайды шәкіртінің жеңісімен құттықтаймыз! Жарайсың Аймауыт! Болашағыңыздан зор үміт күтеміз! 

"Жеті құпия" тақырыбында үш тілде оқыту бағдарламасына сәйкес сыныптан тыс квест-сайыстан үзінді суреттер. Үш тілділік заман талабы десек талапқа сай шыңдалған шәкірттеріміз көп болсын!

Медеу аудандық қыздар арасында өткізілген волейболдан, мектебіміздің қыздар құрамасы топ жарып ІІ-орынға ие болды! Құттықтаймыз! 

Қазақ поэзисының мұзбалағы атанған ақынның өмірі, шығармашылығымен таныстыру, ақын өлеңдері арқылы халқына, тілге, Отанға деген сүйіспеншілік сезімдерін ояту мақсатында бастауыш сынып бірлестігінің ұйымдастыруымен, ақиық ақын Мұқағали Мақатаевтың 89 жылдығына арналған "Жырлайды жүрек" атты мектепшілік көркемсөз оқу сайысы өткізілді! 

Мұқағали Мақатаевтың 89 жылдығына арналған "Жырлайды жүрек" атты мектепшілік көркемсөз оқу сайысының қортындысы бойынша оқушыларымыз жүлделі орындармен марапатталды! Құттықтаймыз! 

Алматы қаласы Медеу аудандық бастауыш сынып оқушылары арасында өткізілген ақиық ақын Мұқағали Мақатаев оқуларында өлеңді мәнерлеп жатқа оқумен, сахна мәдениетін сақтауымен, ерекше дарынымен көзге түскен мектебіміздің 2 "Б" сынып оқушысы Майдан Аймауыт І-орынмен, 1 "А" сынып оқушысы Елубай Дидар ІІ-орынмен, 3 "Ә" сынып оқушысы Қоблан Ақнұр ІІІ-орынмен марапатталды! Құттықтаймыз! 

"Жаратылыстану ғылымының құпиясы тұңғиық" атты жаратылыстану-математика әдістеме-бірлестігінің онкүндігінің ашылу салтанаты болды. Онкүндік барысында түрлі жарыстар мен ашық сабақтар, сыныптан тыс іс-шаралар болатындығын хабарлап, оқушыларды белсене қатысуға шақырды.